دائما كي نشوف حاجة مليحة بزاف نقول ساه ساه ساه ...
يا درى منين جات هذ الكلمة ؟؟؟
مارانيش عارف علاش راني حاس بلي هي كلمة تركية الأصل ...وتشبه بزاف كلمة شه ..اللي نقولولها كي يطيح واحد ما نحبوهش ..ياك نعيطو شاه فيك !
ساه ولا شاه ...ياك قاع كيف كيف !
أنا شخصيا نحب بزاف هذ النوع من التعابير المميزة ...ساه ، شاه ، شح ، طز هههههههههههههههههههههههه طز
على بالكم بلي كلمة طز كلمة تركية الأصل ....معناتها الملح ....والملح كيما تعرفو هو أرخص السلع ...
فكانو الناس يروحو يشرو من عند التاجر التركي ، يقولولو واش كاين حاجة رخيصة ...فهو يقول لهم : كاين طـــز هههههههههههههههههههههه
عموما أنا حبيت برك نخبركم بلي هذ النوع من التعبير يقدر يوصل الرسالة باختصار وبصدق ثاني !
شوف حجم الراحة اللي تحس بيها وأنت تقول لواحد جا يهدد فيك ....تقوله بكل بساطة وبلا ما تتعب روحك ....طز فيك ....
ساعتها هو يطلع لو الدم والسكر ....والأعصاب ...ومهما يحاول يرد عليك ما يقدر يدير فيها والو ..كلمة طز قضات عليه تماما ...
وكي تشوفو خلاص أتقلق ورايح يموت ..قوله في وجهو ...شح فيك ....صاحبنا يزيد يتقلق أكثر ويغمى عليه ...إنت تروح بكل هدوء وتوقف عند راسه وتقوله ...ساه ساه ساه ...!!!!!!
النهر الخالد
موضوع: ساه ساه ساه ، طز فيك 
الإثنين يونيو 09, 2008 7:08 pm
